السلام عليكم
ت
كن سراجاً كن قمر..
كن كما الله أمر..!
ت
عو نحكي شوي عن رمضان ... اللي عندو معلومة أو شي يشد همتنا يتفضل..
و أنا رح أحكي اللي عندي..
رمضان... لما نفكر ... ليش في شهر رمضان؟؟ ليش ما تكون كل السنة متل بعضها و نرتاح؟؟
الجواب .. لإنو رمضان هدية!
آه ، هدية من ربنا لإنو بحبنا ... نحنا لا شعوريا بس يقرب رمضان مننبسط و منحس إنا فرحانين من جوانا! سبحان الله!
رمضان هدية للي أذنب طول السنة... ترك صلاتو ، ضيع وقتو ، طقّس ع البنات
-: ، فتح مواقع و قنوات و أشياء ما بترضي ربنا ، ترك العنان للسانو و أخد راحتو بالاستغابة و السب و التذمر ، للي ما أرضى أمه !
و عمل أشياء كتيرة تركت على قلبو سواد ، و كل ما يتزكرها بيتألم و بيتحسر ، بس ما بتوب !!!
رمضان فرصتك !
عشنو إذا جاء شهر رمضان... تصفد الشياطين!
لا عندك شيطان يوسوسلك ولا إبليس يزينلك! انتا و نفسك ...
و إذا جاء رمضان... نادى منادي : يا باغي الخير أقبل... و يا باغي الشر أقصر..
يا ترى انتا من اللي ببغوا الخير ولا الشر؟؟ بدك تقبل ولا تقصر؟؟ عندك همة قوية و عزيمة كبيرة؟
لنشوف ... قصدي لتشوف ... انتا اللي رح تشوف و تتحدى نفسك..
رمضان ... شهر كسر الجمود... لازم تتغير برمضان... ولاّ شو لذة رمضان إزا متلو متل باقي الأيام؟؟
رمضان ... شهر "اختزال الأوقات" ... بدك تختزل من حياتك ... ما لازم تستحي إنك تفتح المصحف بالخمس دقايق بين الحصص عشان تقرأ .. لإنو رمضان شهر اغتنام الأوقات...!
"اختزل" من وقت نومك و قوم صلي... "اختزل" من وقت قعودك ع النت و قوم ساعد إمك أو أبوك ... "اختزل" من وقت التلفزيون و اقعد مع إخوانك اكسب فيهم أجر ... احكيلهم قصة تأثر فيهم و تحببهم برمضان أو بطاعة معينة أو لعبهم لعبة تفرفشهم فيها... و لا تنسى تكون نيتك لله ... عن جد بتنبسط !
من أكبر الأخطاء اللي بعملوها الناس برمضان ... إنهم برتاحوا !!
بيعتبروا حالهم صايمين يعني ما بصير يغلبوا حالهم و يعملوا اللي بعملوه كل يوم ، لازم يرتاحوا أكتر...!
و هاد الشي مصيبة إزا عملناه ! بآخر النهار الواحد بحكي "و الله الصيام كان سهل و ما تعبت و ما تغلبت" ... بس المفروض إنك تتغلب! ولا لشو نصوم آه؟ لشو؟
ما بتعرف إنو بكل يوم برمضان إزا تطلعت على تاريخ الغزوات و الفتوحات بتلاقي في غزوة أو معركة (باستثناء بعض الأيام فقط) .. و كانت من أصعب الفتوحات... بدر الكبرى ... فتح مكة ... فتح السند ... و غيرها كتير...
فااا.... لازم نعيش حياة طبيعية متل أي يوم ... مو ننام طول النهار بعدينش نستنى الله يتقبل منا صيامنا،،
ماشي؟ يعني بدنا نقوم "أبكر" مما منقوم كل يوم و ننوي يومنا لله و صيامنا ان شا الله ح يكون ممتع وقتها ..
اتفقنا ع هاي النقطة؟؟؟
نروح للنقطة اللي بعدها ... التلفزيون و النت و تضييع الوقت!
و يا سلام ما أشطرنا بهالشغلة ... مناخد شهادات بهالموضوع...
بس يعني صراحة و الله إنو من الغباء إنو واحد يهديك تلاجة تروح تخبي فيها كنادر -أجلّـك الله-!!
و لله المثل الأعلى... و من دون تشبيه طبعا ... الله هدانا رمضان ... ليش نعبيه بالأشياء اللي مو إلو؟؟ إزا ضيعنا وقتنا منكون متل اللي بحط الكنادر بالتلاجة .. ما فرقت كتير يعني
فشو ناوي انتا ؟ شو بدك تحط بتلاجتك؟؟
علامة كاملة...
إجا وقت الامتحان و نحنا عم ندرس طول الوقت و عم ندرس منيح ... مو عشان ننجح ... ولا عشان نجيب 50% ولا 70% ولا حتى 90%...
عم ندرس و طموحنا نجيب علامة كاملة ... عم ندرس و هدفنا العلامة الكاملة ... هاد للشي الدنيوي ... فكيف للأخروي...
بدناش تكون علامتنا بالصلاة عند ربنا 70% ... بدنا ياها 100%..
بدنا ربنا يكون راضي عنا 100%...
لإننا مو متل الناس الباقيين ... نحنا همتنا أعلى و أجرنا أكبر إن شاء الله..
شو؟؟؟ كيف المعنويات؟؟؟ لساتك ناوي تحضر مسلسلات و تسمع أغاني و تتابع "فوازير" برمضان؟؟
لساتك بدك تحط بالتلاجة شي غلط؟؟
رح تتغير في رمضان؟؟
ان شا الله الهمة تبقى عالية لآخر رمضان ... و ما نبدا نتكاسل بعد اليوم الخامس ولا السادس...ان شا الله
بس بدنا همتك!
هاد اللي عندي ...انتو شو بدكم تحكو لنا؟؟
و أنا رح أحكي اللي عندي..
رمضان... لما نفكر ... ليش في شهر رمضان؟؟ ليش ما تكون كل السنة متل بعضها و نرتاح؟؟
الجواب .. لإنو رمضان هدية!
آه ، هدية من ربنا لإنو بحبنا ... نحنا لا شعوريا بس يقرب رمضان مننبسط و منحس إنا فرحانين من جوانا! سبحان الله!
رمضان هدية للي أذنب طول السنة... ترك صلاتو ، ضيع وقتو ، طقّس ع البنات
-: ، فتح مواقع و قنوات و أشياء ما بترضي ربنا ، ترك العنان للسانو و أخد راحتو بالاستغابة و السب و التذمر ، للي ما أرضى أمه !و عمل أشياء كتيرة تركت على قلبو سواد ، و كل ما يتزكرها بيتألم و بيتحسر ، بس ما بتوب !!!
رمضان فرصتك !
عشنو إذا جاء شهر رمضان... تصفد الشياطين!
لا عندك شيطان يوسوسلك ولا إبليس يزينلك! انتا و نفسك ...
و إذا جاء رمضان... نادى منادي : يا باغي الخير أقبل... و يا باغي الشر أقصر..
يا ترى انتا من اللي ببغوا الخير ولا الشر؟؟ بدك تقبل ولا تقصر؟؟ عندك همة قوية و عزيمة كبيرة؟
لنشوف ... قصدي لتشوف ... انتا اللي رح تشوف و تتحدى نفسك..
رمضان ... شهر كسر الجمود... لازم تتغير برمضان... ولاّ شو لذة رمضان إزا متلو متل باقي الأيام؟؟
رمضان ... شهر "اختزال الأوقات" ... بدك تختزل من حياتك ... ما لازم تستحي إنك تفتح المصحف بالخمس دقايق بين الحصص عشان تقرأ .. لإنو رمضان شهر اغتنام الأوقات...!
"اختزل" من وقت نومك و قوم صلي... "اختزل" من وقت قعودك ع النت و قوم ساعد إمك أو أبوك ... "اختزل" من وقت التلفزيون و اقعد مع إخوانك اكسب فيهم أجر ... احكيلهم قصة تأثر فيهم و تحببهم برمضان أو بطاعة معينة أو لعبهم لعبة تفرفشهم فيها... و لا تنسى تكون نيتك لله ... عن جد بتنبسط !
من أكبر الأخطاء اللي بعملوها الناس برمضان ... إنهم برتاحوا !!
بيعتبروا حالهم صايمين يعني ما بصير يغلبوا حالهم و يعملوا اللي بعملوه كل يوم ، لازم يرتاحوا أكتر...!
و هاد الشي مصيبة إزا عملناه ! بآخر النهار الواحد بحكي "و الله الصيام كان سهل و ما تعبت و ما تغلبت" ... بس المفروض إنك تتغلب! ولا لشو نصوم آه؟ لشو؟
ما بتعرف إنو بكل يوم برمضان إزا تطلعت على تاريخ الغزوات و الفتوحات بتلاقي في غزوة أو معركة (باستثناء بعض الأيام فقط) .. و كانت من أصعب الفتوحات... بدر الكبرى ... فتح مكة ... فتح السند ... و غيرها كتير...
فااا.... لازم نعيش حياة طبيعية متل أي يوم ... مو ننام طول النهار بعدينش نستنى الله يتقبل منا صيامنا،،
ماشي؟ يعني بدنا نقوم "أبكر" مما منقوم كل يوم و ننوي يومنا لله و صيامنا ان شا الله ح يكون ممتع وقتها ..
اتفقنا ع هاي النقطة؟؟؟
نروح للنقطة اللي بعدها ... التلفزيون و النت و تضييع الوقت!
و يا سلام ما أشطرنا بهالشغلة ... مناخد شهادات بهالموضوع...
بس يعني صراحة و الله إنو من الغباء إنو واحد يهديك تلاجة تروح تخبي فيها كنادر -أجلّـك الله-!!
و لله المثل الأعلى... و من دون تشبيه طبعا ... الله هدانا رمضان ... ليش نعبيه بالأشياء اللي مو إلو؟؟ إزا ضيعنا وقتنا منكون متل اللي بحط الكنادر بالتلاجة .. ما فرقت كتير يعني
فشو ناوي انتا ؟ شو بدك تحط بتلاجتك؟؟
علامة كاملة...
إجا وقت الامتحان و نحنا عم ندرس طول الوقت و عم ندرس منيح ... مو عشان ننجح ... ولا عشان نجيب 50% ولا 70% ولا حتى 90%...
عم ندرس و طموحنا نجيب علامة كاملة ... عم ندرس و هدفنا العلامة الكاملة ... هاد للشي الدنيوي ... فكيف للأخروي...
بدناش تكون علامتنا بالصلاة عند ربنا 70% ... بدنا ياها 100%..
بدنا ربنا يكون راضي عنا 100%...
لإننا مو متل الناس الباقيين ... نحنا همتنا أعلى و أجرنا أكبر إن شاء الله..
شو؟؟؟ كيف المعنويات؟؟؟ لساتك ناوي تحضر مسلسلات و تسمع أغاني و تتابع "فوازير" برمضان؟؟
لساتك بدك تحط بالتلاجة شي غلط؟؟
رح تتغير في رمضان؟؟
ان شا الله الهمة تبقى عالية لآخر رمضان ... و ما نبدا نتكاسل بعد اليوم الخامس ولا السادس...ان شا الله
بس بدنا همتك!
هاد اللي عندي ...انتو شو بدكم تحكو لنا؟؟
كن سراجاً كن قمر..
كن كما الله أمر..!
